تناول برنامج مع الناس الذي تبثه إذاعة إي أف أم موضوع يتعلّق بوفاة شاب في الثلاثينات من عمره إثر سقوطه من الطابق الرابع بمستشفى الحبيب بورڨيبة بصفاقس واتهام العائلة للطاقم الطبي بالتقصير خصوصا بعد منعهم من مرافقته خلال اقامته في المستشفى حتى بعد إعلامهم بأنه يعاني من قصور في الذهن.
و تحدّثت عمّته في تدخل لها على نفس البرنامج قائلة :" في السبيطار قالولنا ما تهزوش الجثة إلا لما تخلصو 3 ملايين و800... ولد خويا وجعته معدته هزيناه للسبيطار وطلع عنده قرح في المعدة باش يعملولو عملية .. على اساس باش يرقدوه و كي هزيناه ورالهم خويا بطاقة بلي عنده إعاقة ذهنية وياخذ حرابش متاع ستراس ولازمو مرافق .. ماقبلوش مرافقة و هو مقيد معاق .. امه خرجها الطبيب في الليل 2 متاع الليل من عند ولدها يخي ما يعرفش رمى روحو من الطابق الرابع ."
و أضافت أنه بعد الحادثة تعرّض لرضوض و كسور في مختلف الاماكن من جسمه :"صارولو كسور في كل بلاصة ارتجاح فالمخ .. الكبدة و الرئة تضرّرو و بقا ثلاثة ايام حتى توفى و كي جينا نخرجو الجثة قالولنا لازمكم تخلصو 3 ملايين و 800 ... وأحنا طالبنا بالتحقيق باش يصير التشريح و الجثة شادينها حتى ندفعو الفلوس و المستشفى حكومي..".
الفيديو :
![](https://www.pinterest.com/pin/create/button/?url=https://www.radioplustunisie.net/2022/09/Video-sfax-3milles-.html&media=https://blogger.googleusercontent.com/img/b/R29vZ2xl/AVvXsEimqHWB0PNuiQv0uDFTBXABpLfGeTuUbfKyBQCQUeTKl1F05KNiKIRxox0OhTtd_O3C1kexwnbzMHi4v5XOhNgRZNrjfmCSVnpPDuagt0V2hiaZ94LNQvv3yBbZJeJP_jV9WPaDcbbuu3JrmYZEbZRhq35dGbSyGA85XrH8F7xjfh1kOiZgt5EnZxbO/w640-h334/IMG_20220930_203521.jpg&description=وفاة شاب إثر سقوطه من الطابق الرابع للمستشفى.. وعائلته تستغيث \"قالولنا جيبو 3 ملاين باش تهزو الجثة\" (فيديو)){kind=link}