تدخلّ والد الشاب الضحية الذي توفي أمس بضربة بالسكين على مستوى الصدر من طرف تلميذ بنفس المؤسسة في بنزرت متحدّثا لإذاعة "اي اف ام" عن ملابسات القضية وقال بتأثر :"اللي صار هي عركة بين جماعتين يوم السبت اللي فات في نص النهار وولدي مش معاهم سمع بالعركة مشى يشوف شفما و نهارت الإثنين روّح من القراية الصباح حط الساك متاعو في الدار وجا خارج قالتله امه ماتخرجش اما ما سمعش كلامها.. زادت صارت عركة اخرى و خو القاتل جايب سكينة معاه.. اللي عملو المشكلة بعدو خافو و ولدي بقا واقف..".
و أضاف قائلا :"ولدي دخل في مناوشات ولدي قالو اضرب مانخافش أعطاه الضربة الاولى في الصدر و طيحو زادلو ضربتين في القلب و ضربة في الفخذ.. طلع من السخانة ماحسش قعد في القهوة حتى عيطو لخاله .. هزوه للسبيطار تعطلو خاطر الحماية طلبناها متجاوبش ولدي صارلو نزيف و قلبه سكت الله يرحمه".
و ختم كلامه بتأثر كبير :"أنا مانلومش على الطفل الصغير نلوم على خوه اللي جابلو الموس و حرضو.. ولدي نوارة يصلي على روحو و خاطيه المشاكل..".
الفيديو :