تفاعل التونسيون منذ يوم أمس الجمعة 4 نوفمبر 2022 مع فتاة تونسية تدعى رانيا الريحاني، وذلك إثر نشرهة لتدوينة مؤثرة جدا ترثي فيها خطيبها الذي توفي بسكتة قلبية، بكلمات مؤلمة أثارت تأثر وتفاعل التونسيين على صفحات مواقع التواصل الاجتماعي.
وقالت رانيا مرفقة كلامها بمقاطع فيديو وصور لهما :
"يا روحي قلبي يا عيني يا عمري يا حياتي راك شويتني وكويتني ..
وين مشيت و خليتني يا روحي وخي يا عمري الغالي يا ممو عيني راني مشوية راو يقولولي البركة فيك و أنا تشغل فيا النار..
راك شويييييييتني راني نكتب و دموعي تجري راك أغلى ماعندي راك عينيا الزوز الي نرا بيهم راك النفس الي نتنفس بيه رانا نحضرو لعرسنا راك تقولي باش نكونو أحلى عرايس ياخي هاك متت و خليتني وحدي هايمة في الدنيا رانا نحلمو و بدينا نفذو راك مازلت صغير راك خليتني بكري بارشة راو هبط عليا كي الصاعقة الخبر يا نوارة حياتي شويتلي الكبدة لا خلطنا نفرحو ببعضنا لا نعيشو مع بعضنا..
راني نحبك راني نمووووووت عليك راني عمري ماننساك و عمري ماننسى الي عيشتهولي يا أغلى راجل في الدنيا والله لا تتعوض و لا يجي كيفك والللللله مقهووووووووورة..
يا ربي صبرني على فراقو يا ربي أعطيني القوة نواجه الدنيا بلاش بيه..
الله يرحمك يا روح قلبي الله يصبرني على فراقك".
وقد توفي خطيبها محمد امين الهويملي أصيل باجة
بعد نوبة قلبية في مقابلة كرة قدم بسبيطلة، رحمه الله.
الفيديو :
