لبنى السديري :"مشيت نبحث في ثكنة العوينة.. قالولي صابر الرباعي شاكي بيك" (فيديو)

صرحت الممثلة التونسية لبنى السديري أن الفنان صابر الرباعي قدّم بها قضية عدلية وصلت للبحث في ثكنة العوينة بسببه، مصرحة أن السبب هو صفحة على الفايسبوك تحمل إسمها تضمنت منشورا مسيئا له، مما جعلها تصل للتحقيق ليتبيّن إثر ذلك أنها ليست من يديرها.

وقالت لبنى السديري في برنامج فكرة سامي الفهري هذا السبت :"مشيت نبحث في ثكنة العوينة… قالولي صابر الرباعي شاكي بيا… ثما باج فايسبوك بإسمي اما مش متاعي فيها تقريبا مليون واش متابع عاملها طفل… كي كلمتو و نبهت عليه مشى حطني معاه ادمين زعمة زعمة كان ما عجبنيش منشور نفسخو… انا نسيت الحكاية اصلا و ما تبعتش… الفنان صابر الرباعي شكى بيا على إشاعة نشرتها الباج و تصريح غالط ما قالوش هو اصلا متاع “مانيش شؤون اجتماعية”…".

وأضافت لبنى :"هوما بحثوني باش يوصلو بيا للأدمينات الأخرين.. و عملو بحثهم و شافوني وقتاش وليت ادمين في الباج بعد المنشور الغالط هذاكا و اصلا الطفل بيدو فسخو خاطر مبعد ما لقاووش…انا جاوبت على الأسئلة و عملت الكابتورات و تسكرت الحكاية في نهارها.. ليا الشرف انو صابر الرباعي شاكي بيا الفنان الكبير و حبيت ناقف معاه في المحكمة و نغنيلو أتحدى العالم ههه".

الفيديو :