"الكوتش سيدة" توجّه رسالة لكل رجل :"ما تقعدوش تتفرجو في نساكم.. عاونوهم بلّي تقدرو" (فيديو)

تحدّثت "الكوتش سيدة" صباح اليوم الثلاثاء 26 مارس 2024 لدى حضورها في برنامج "سعاة سعيدة" على إذاعة ديوان أف أم، عن مبدأ المساواة بين الرجل والمرأة داخل المنزل وخارجه، وضرورة مساعدة الرجل لزوجته في الأعمال المنزلية.

وقالت موجهة رسالة للرجال :"إذا كان باش نعتمدو على مبدأ المساواة بين المرأة والرجل يلزم نعتمدوها خارج المنزل وداخله، كي ندخلو للدار نولي أنا نطيب ونقضي من الشارع ونغسل الماعون ونقري أولادي ؟".

مضيفة :" نحب نقول للرجال الي تسمع فيا الي يعرف يطيب يعمل حتى omelette.. الي يعرف يعاون بلي يقدر كي يشوف مرتو تاعبة.. ما تعرفش تطيب أكيد انك تعرف تحط طاولة.. قري وليداتك نقص عليها.. حضرلهم أدواتهم متاع غدوة.. الفكرة كوننا نهزو الحمل مع بعضنا.. راهي العلاقة بين المرأة والرجل أساسها المودة والرحمة .. راهو الي تدهك عليه هذاكا بشر كيفك كيفو.. عاونو بلي تقدرو".

الفيديو :