بالفيديو / ناجحة جمال تروي تفاصيل علاجها من السرطان :"فقت بمرضي بفضل معينتي المنزلية.. وهكا تغلبت عليه"

تحدّثت الفنانة التونسية ناجحة جمال عن مرضها و رحلة علاجها من السرطان، منذ أوّل يوم تلقّت فيه خبر مرضها، وذلك خلال حضورها في برنامج السهرية على قناة تلفزة تيفي، على خلفية سؤال الإعلامي عبد الرزاق الشابي لها عن تفاصيل اكتشافها لمرضها لتجيب بأنّ لولا تفطّنها لمرض معينتها المنزلية لما كانت لتتفطّن لمرضها.

و أوضحت ذات الفنانة خلال تصريحها :"مريت بأصعب فترة في حياتي تجربة مع مرض السرطان وقاومته ونحمد ربي برشا اللي اكتشفت المرض هذايا مبكرا بفضل بنية تجي تعاون فيا حسبتها بنتي اختي كل شي.. مرضت هي بالمرض الخبيث و بقيت نتابع فيها لين هز ربي أمانته".

و أضافت :"ونشكر زوجي ونشكر عايلتي ودارنا اللي وقفوا معايا أكثر ملي كنت نتصور.. و الفترة هاذيكة بقيت نهلوس مشيت عملت كونترول و لقيت روحي مريضة في المرحلة صفر و أنا ما حسيت بشي و بفضل معينتي و هي تداوي و أنا نداوي في نفس الفترة.. و في نفس الدار و راجلي كان قايم بينا و الحمد لله هي توفات الله يرحمها و انا بريت لباس الحمد لله".

الفيديو :