تحدّث المختص في البرمجيات والخبير في تكنولوجيا الذكاء الإصطناعي ماهر قايدة خلال استضافته اليوم الخميس 2 ماي 2024 في برنامج "l'emission impossible" مع برهان بسيّس على إذاعة إي أف أم عن مخاطر الأنترنت والهواتف الذكية على الأطفال، موجها نصائح للأولياء.
وقال ماهر قايدة أنه يمنع منعا باتا إعطاء الهاتف الذكي للأطفال دون سن ال10 سنوات لما في ذلك من مخاطر على صحته النفسية والبدنية.
وقال :"الصغار معادش قادرين يعيشو من غير تليفونات معناها فما برشا مخاطر على ذكاء ونفسية الشباب.. فما تلاعب بأفكارنا وتاريخنا وإنسانيتنا.. فما برامج صنعها الذكاء الاصطناعي تكوّن أفكار غير صحيحة وتحكي حاجات غالطة، يلزم الشباب يعرف يفرّق باش ما تصيرش كوارث".
وأضاف موجها حديثه للأولياء :" توا الصغار ملي عمره 3 سنين نحطولو السم هذا في يديه.. التلفون قبل 10 سنين ما يلزموش يتحط في يد الصغير.. أول حاجة يضربلو النوم متاعو ويخلقلو العزلة ويولي ما يحبش يتحرك ويجرس ويلعب ومعادش يفرق بين الصحيح والغالط".
الفيديو :
![](https://www.pinterest.com/pin/create/button/?url=https://www.radioplustunisie.net/2024/05/blog-post_625.html&media=https://blogger.googleusercontent.com/img/b/R29vZ2xl/AVvXsEixoEIpRYdZ2xYliSETfpfA9Pv7NtGeaI4Oanguw96aOWHT1N8x3Xj9qgYm7rMZUzhJGqSIG-cls7tJcfRa7t3k1F2RLxs1g8hVcpUR9GXqgF31jCyGGOeKv302Lll91i-qaPP13syQV84/w640-h332/1000186212.jpg&description=الخبير ماهر قايدة :\"قبل 10 سنين ممنوع تعطي تاليفون لصغيرك.. هذه المخاطر متاعو\" (فيديو)){kind=link}