تحدث اللاعب الدولي سعد بقير عن القرار الظالم الذي تعرض له صبيحة اليوم من قبل الناخب الوطني جلال القادري و القاضي باقصائه من القائمة النهائية للمونديال .
سعد تحدث بمرارة سعد بڨير منذ قليل قائلا : "نهار الخميس 20 أكتوبر كلمني سي جلال و قلي وينك نتي توة قتلو راني في عطلة قلي لا مترتاحش برة ترانى مع تطاوين راك باش تكون معانا قتلو سي جلال كان عندك 1% باش تعيطلي توة و تنحيني بعد من غير متعيطلي قلي والله لا وراس ولدي أنتي راك معانا و خليك ديما حاضر قتلو سي جلال ثبت كان باش تنحيني راهو حتى ملاعبي ميحب يصيرلو هكا قلي وراسك لا هاو اليوم خميس و غدوة جمعة و نتي راك معانا في القائمة النهائية..
و بعد هذا لكل يجيني البارح يقلي راو نحيناك و كي قتلو علاش أعطيني سبب مقنع قلي منجم نقلك كان الله غالب .. قتلو كيفاش ياخي البارح كلمتني قتلي راك معانا كيفاش نتنحى في 7 ساعات قلّي " الله غالب إختيارات "، بقير قال أيضا جلال القادري "جاه أمر من الفوق و قلت لوديع الجريء ربي باش ياخولي حقي منك ".
الفيديو :