كشف الممثل التونسي نجيب بلحسن خلال استضافته في برنامج jdt على قناة الحوار التونسي ليلة الخميس أنه رفض المشاركة في المسلسل التاريخي الشهير "الحشاشين" بعد أن اتصلت به شركة الإنتاج واقترحت عليه مبلغا لا يليق بمسيرته.
وقال :"كلموني على مسلسل الحشاشين و ما تفاهمتش معاهم ماديا.. خيرت نقعد في Nice مع الوالد والوالدة... هوما المصاروة يقترحو عليك الدور و يقلك قداش تحب تخلص.. انا قتلو اعطيني نهار نخمم و رجعت رفضت خاطر الي اقترحوه انا اكثر ملي اقترحوه هوما.. الفارق أقل شوية من 20 الف دولار و الفارق كبير ما تفاهمناش.. ما نجمش نقول قداش المبلغ ...".
وأضاف نجيب بلحسن :"كان جيت ممثل اول مرة نمثل في مصر ممكن نقبل الكاشي هذاكا.. اما ما تنجمش بعد ما خدمت برشا اعمال في مصر ترجع بالتوالي.. خصوصا انو انا في 2021 مثلت مع محمد رمضان و الكاشي متاعي طلع... ما عادش انجم نطيح في الكاشي خاطر ولاو يعرفوك في مصر ويعرفوك قداش وليت تخلص خصوصا الشركة هي بيدها الي تنتج الأعمال الي هي Synergy ".
يذكر أن مسلسل الحشاشين أثار إعجاب المشاهدين منذ حلقاته الأولى، وتدور أحداثه في إطار تاريخي، في القرن الـ 11، حيث زعيم الحشاشين حسن الصباح، وعن قيادته للفرقة التي اشتهرت بتنفيذ عمليات اغتيالات لشخصيات مرموقة في تلك المرحلة.
الفيديو :
